شہباز گل نے پیٹرول کی قیمتوں میں اضافے کی تردید کر دی
وزیراعظم کے معاون خصوصی برائے سیاسی امور شہباز گل نے پیٹرول کی قیمتوں میں اضافے سے متعلق خبروں کی تردید کردی۔
انہوں نے ٹوئٹر پر کہا کہ آئل اینڈ گیس ریگیولیٹری اتھارٹی (اوگرا) نے تقریباً 6 سے 7 روپے فی لیٹر تک پیٹرولیم مصنوعات کی قیمت بڑھانے کی تجویز کی تھی جسے وزیر اعظم عمران خان نے منظور نہیں کی۔
شہباز گل نے بتایا کہ پیٹرول مصنوعات کی قیمتوں میں کوئی اضافہ نہیں کیا گیا۔
انہوں نے کہا کہ عالمی عالمی مارکیٹ میں پٹرولیم مصنوعات کی قیمتوں میں مسلسل اضافے کے باوجود وزیراعظم نے اجازت نہیں دی۔
شہباز گل نے اوگرا کی جانب سے تجویز کردہ نئی قیمتوں سے متعلق سمری کا عکس بھی شیئر کیا۔
گرا نے یکم مارچ سے پیٹرولیم مصنوعات کی قیمتوں میں اضافے کی سمری پیٹرولیم ڈویژن کو ارسال کردی ہے۔
پیٹرولیم ڈویژن کو ارسال کی گئی سمری میں تجویز دی گئی کہ یکم مارچ سے پیٹرولیم مصنوعات کی مجوزہ قیمت میں مجموعی طور پر 25 روپے 19 پیسے فی لیٹر اضافہ کردیا جائے۔
سمری کے مطابق پیٹرول کی فی لیٹر قیمت میں 6 روپے 22 پیسے، ہائی اسپیڈ ڈیزل 6 روپے 82 پیسے، لائٹ ڈیزل 5 روپے 78 پیسے اضافے کا امکان ظاہر کیا گیا۔
