ٹی20ورلڈ کپ کے لیے منتخب ٹیم حیران کن ہے، شاہد آفریدی

لاہور: سٹار آل رانڈر شاہد آفریدی نے کہا کہ ٹی 20 ورلڈ کپ کے لیے منتخب ٹیم حیران کن ہے۔ ان کا کہنا تھا کہ 2 سے 3 کھلاڑیوں کا نہ ہونا اور کچھ کھلاڑیوں کا ہونا ضروری تھا۔ ٹیم کے انتخاب میں سلیکشن کمیٹی کا بڑا کردار ہوتا ہے، رمیز راجہ کو مشورہ ہے کہ مخلص اور پیشہ وار لوگوں کو قریب کریں۔ کام رمیز بھائی نے نہیں ان کی ٹیم نے کرنا ہے۔امید ہے کہ رمیز راجہ کے آنے سے کچھ بہتری آئے گی، رمیز راجہ ایک عرصے سے کرکٹ کے قریب ہیں۔ شاہد آفریدی کا کہنا تھا کہ سپر سٹارز بنائے جاتے ہیں، کھلاڑیوں کو سٹار بننے کے لیے انفرادی طور پر میچ جتوانے ہوں گے، باصلاحیت کھلاڑیوں کی تربیت کرنا ہوگی۔