جس اینکر میں تکبر آنے لگ جائے اس کا زوال شروع ہوجاتا ہے، عمران خان

اسلام آباد:وزیراعظم عمران خان نے کہاہے کہکورونا کے معاملے پر پاکستان کی کسی طرح کی کوئی امداد نہیں ملی، کورونا کب ختم ہو گا، کوئی بھی اس بارے میں نہیں کہہ سکتا، آرٹیفیشل انٹیلی جنس سسٹم کی طرف جا رہے ہیں، آئی ایس آئی اور دیگر ایجنسیوں کے ساتھ اس بارے میں مشاورت کی ہے۔وزیراعظم عمران خان نے ڈیجیٹل میڈیا انفلوئنسرز سے ملاقات میں کہاکہ آرٹیفیشل انٹیلی جنس سسٹم سے مریضوں اور جگہوں کی نشاندہی ہو سکے گی، وزیراعظم نے کہا کہ آہستہ آہستہ لاک ڈاؤن کھول رہے ہیں تاہم اس میں وقت لگے گا۔کورونا وائرس کی وباء پوری دنیا کے لئے ایک بڑا امتحان ہے۔ترقی پذیر اور ترقی یافتہ ممالک میں کورونا کے مسائل مختلف ہیں۔ وزیراعظم نے کہا کہ بیرون ملک پاکستانیوں سے ترسیلات زر رک گئی ہیں۔ آئی ایم ایف کی جانب سے قرضوں کی ادائیگی میں ریلیف دیا گیا۔اللہ نے مشکلات میں راستے نکالنے کی صلاحیت انسان میں رکھی ہے۔پی ٹی آئی پاکستان میں سب سے پہلے سوشل میڈیا استعمال کرنے والی جماعت ہے۔کوئی کتنا بھی جھوٹ بولے، بالاآخر عوام سچ ڈھونڈلے گی، وزیراعظم نے کہاکہ ٹیلی ایجوکیشن سسٹم سے ان علاقوں میں تعلیم پہنچی جہاں کوئی نظام نہیں تھا۔ 30 اکتوبر 2011 کو تحریک انصاف کے جلسے کے بعد مخالفین میں خوف پیدا ہوا۔۔2012 میں میڈیا پر پیسے کا استعمال شروع ہوا۔ کرپشن کا پیسہ بنانے والے آزاد میڈیا سے خوف کھاتے ہیں۔جس اینکر میں تکبر آنے لگ جائے اس کا زوال شروع ہوجاتا ہے۔۔75 فیصد دیہاڑی دار مزدور ہمارے پاس رجسٹرڈ ہی نہیں،ایسے لوگوں کی وجہ سے ہی لاک ڈاؤن نہیں لگانا چاہتا تھا۔