کوورونا واٸرس اور طویل لاک ڈاٶن کے بعد ڈسٹرکٹ خضدار کے تینوں ایم پی اے اور ایم این اے منظر عام سے غاٸب

خضدار (نماٸندہ خصوصی) کورونا واٸرس اور طویل لاک ڈاٶن کے بعد ڈسٹرکٹ خضدار کے تینوں ایم پی اے اور ایم این اے منظر عام سے غاٸب۔ اب تک تینوں ایم پی ایز اور ایم این اے کی جانب سے شہریوں کے ساتھ کوٸی امداد دیکھنے کو نہیں ملا، ووٹ لیتے وقت عوام کو سہنا خواب دیکھانے والوں کے وعدے دھرے کے دھرے رہے گٸے اور غیرالیکڈڈ افراد بازی لے گٸے تفصیلات کے مطابق کورونا واٸرس کے سبب حالیہ لاک ڈاٶن سے جہاں ڈسٹرکٹ خضدار کے باشندے شدید متاثر ہے تو وہیں شہری اپنے نماٸندوں سے شکوہ کنان بھی ہیں کہ ووٹ لیتے وقت بلند بالا وعدے کرنے والوں نے اس مشکل وقت میں ہمیں بےسہارا چھوڑا کر راہ فرار اختیار کی ہے۔ عوامی حلقوں کا کہنا ہیکہ بلوچستان کا خود کو والی و وارث گردانے والا ایم این اے اب اس مشکل گھڑی میں اپنے حلقہ کے عوام سے آخر کیوں غافل ہے حتاکہ انہوں نے اپنے حلقہ میں موجود رہنا بھی گوارا نہیں کیا ہے اور یہی حال مذہبی جماعت سے تعلق رکھنے والا سرمایہ دار ایم این اے کا ہے کہ وہ اس وقت بالکل لاتعلق ہوکر شہریوں کو کسمپرسی کے عالم میں چھوڑ دیا ہے، ذراٸع کے مطابق مذکورہ مذہبی جماعت کے ایم این اے خود تو شہریوں کے ساتھ تعاون کرنے سے کترار رہے ہیں لیکن ستم یہ ہیکہ احساس ایمرجنسی پروگرام کے تحت ملنے والے راشن میں بھی اثر انداز ہورہا ہے۔ انتہاٸی باخبر ذراٸع نے انکشاف کیاہیکہ ان کا انتظامیہ پر شدید دباٶ ہیکہ راشن میں ان کے لٸےکوٹہ مقرر ہو نیز ان کے منظور نظر افراد کو ہی راشن فراہم کیاجاٸے یعنی راشن کی فراہمی مستحق اور غیر مستحق کی بنیاد پر نہیں بلکہ پسندوناپسند کی بنیاد پر ہو یہی وجہ ہیکہ انتظامیہ کی جانب سے مستحقین کو راشن کی فراہمی انتہاٸی سست روی کا شکار ہوکر مخصوص لوگوں تک محدود ہوکر رہے گیاہیں۔ جبکہ اس ضمن غیر الیکڈڈ اور سماجی لوگ پیش پیش ہیں ان کی جانب سے اپنی مدد آپ کے تحت مستحقین کو راشن اور سبزیاں فراہم کیا جارہاہیں۔ شہریوں کی مدد میں اس وقت خضدار میں الخدمت، جھالاوان عوامی پینل، النورفاٶنڈیشن، سماجی تنظیم روشنی، اور کوپہ نمایاں ہیں