بلدیاتی الیکشن کے دوسرے مرحلے میں صوبے میں پارٹی دوبارہ کی اکثریت میں آئے گی،پرویزخٹک

اسلام آباد:پی ٹی آئی خیبر پختو خوا کے صدر و وزیر دفاع پرویز خٹک نے کہا ہے کہ ووٹ کے لحاظ سے پی ٹی آئی سب سے آگے ہے، ہمارے خلاف پروپیگنڈا چلا کہ تحریک انصاف ختم ہوگئی،بلدیاتی الیکشن کے دوسرے مرحلے میں صوبے میں پارٹی دوبارہ کی اکثریت میں آئے گی،بہت جلد پی ٹی آئی جہاں تھی اس سے دوقدم آگے آئے گی۔ان خیالات کا اظہار انہوں نے وزیر مملکت اطلاعات و نشریات فرخ حبیب کے ہمراہ پریس کانفرنس سے خطاب کر تے ہوئے کیا۔پرویز خٹک کا کہناتھادو مراحل میں 18تحصیل، 4 آزاد ہمارے ساتھ شامل ہو چکے ہیں، جے یو آئی کے پاس 23 ہیں، ن لیگ نے دو یا تین سیٹیں جیتیں ہیں،پیپلز پارٹی اور جماعت اسلامی ایک یا دوسیٹیں جیتیں ہیں۔پہلے مرحلے کو ہمارے لوگوں نے ایزی لیا تھا، بلدیاتی الیکشن بہت اہم ہوتے ہیں۔ ہر خاندان اپنے لئے ووٹ مانگ رہا ہے،کنفیوزنگ الیکشن تھا،سخت الیکشن کامقابلہ کیا ہے، مجھے صوبائی صدر کی ذمہ داری دی گئی ہے،دوبارہ صوبے میں پارٹی کی اکثریت آئے گی۔ہر ضلع میں تنظیمیں مکمل کررہے ہیں، کوآرڈنیٹیرز بنارہے ہیں جو ویلیج کونسل تک تنظیمیں بنارہے ہیں۔بہت جلد پی ٹی آئی جہاں تھی اس سے دوقدم آگے آئے گی، وزیر دفاع نے کہا پارٹی کے ورکرز کو بااختیارکر رہے ہیں، ورکرز کی سفارشات پر ہم نچلی سطح تک تنظیمیں بنائیں گے۔پی ٹی آئی ان کا مقابلہ کریگی کی جو ہمارے خلاف پروپیگنڈا کررہے ہیں۔آج عالمی سطح پر مہنگائی ہے، عمران خان پر تنقید کرنے والے دنیا میں دیکھیں کیا حالات ہیں۔اگر ہم مہنگائی پر قابو نہیں پاسکے تو اپوزیشن ہمیں متبادل راستہ بتا دیتی۔وزیر مملکت فرخ حبیب نے کہا کہ وزیراعظم عمران خان نے پرویز خٹک کو کے پی کے صدر کے طور پر ذمہ داری دی ہے۔کے پی کے کے دوسر ے مرحلے کے نتائج کافی حد تک بہتری آئی ہے۔فضل الرحمان کو اپنے گھر سے عدم اعتماد ہوچکا ہے۔