فلسطینی خاتون کے جنازے پر اسرائیلی فوج کا حملہ

الخلیل(مانیٹرنگ ڈیسک)کل جمعہ کو اسرائیلی فوج مغربی کنارے کےجنوبی شہرالخلیل میں ایک فلسطینی خاتون کے جنازے کے جلوس پر حملہ کیا۔ اس واقعے نے مئی کے وسط میں غرب اردن کے شمالی شہر جنین میں صحافی شیریں ابو عاقلہ کے جنازے پر حملے کے واقعے کی یاد تازہ ہوگئی ہے۔مرکزاطلاعات فلسطین کے مطابق فلسطینی خاتون کا جنازہ شمالی الخلیل میں بیت امر کے مقام پر قبرستان لے جایا جا رہا تھا۔ اس دوران فوج نے جلوس کے شرکا کو روک دیا۔ فوج نے فلسطینی خاتون کے جنازے کے جلوس کو بغیر کسی وجہ سے روکا۔ اس واقعے نے شیریں ابو عاقلہ کے جنازے پرحملے کی یاد تازہ کردی۔کل جب فوج فلسطینی خاتون کے جنازے کو لےجانے سے روک رہی تھی فلسطینیوں نے فوج کے خلاف مزاحمت کی۔ جنازے کے شرکا میت کے ساتھ اسرائیلی فوج کی آنسوگیس کی شیلنگ او گولیوں کی بوچھاڑ میں قبرستان لے گئے۔