بلوچ یکجہتی کمیٹی کے تحت کراچی میں 10 اگست کو فلڈ ریلیف کیمپ لگائے جائیں گے

کراچی (انتخاب نیوز) بلوچ یکجہتی کمیٹی کراچی دو ہفتوں سے بلوچستان میں ہونے والے سیلاب زدہ علاقوں میں کراچی کے عوام کی امداد سے بلوچستان کے علاقے وندر، لسبیلہ، بیلہ، د±رّیجی اور سیلاب سے متاثرہ علاقوں میں کام کر رہی ہے اور اپنی کوششوں سے کامیاب بھی ہوئی ہے۔ لیکن نقصان اتنا زیادہ ہے کہ جتنی امداد کریں وہ کم ہے۔ بی وائی سی کراچی کیساتھ ساتھ بہت سے فلاحی ادارے بھی ان کاموں میں مشغول ہیں اور اپنی پوری کوشش کررہے ہیں کہ ان علاقوں میں راشن اور باقی ضرورت کی اشیا پہنچائیں۔ بلوچ یکجہتی کمیٹی کراچی اور دیگر فلاحی تنظیمیں جن میں کراچی بچاﺅ تحریک، ویمن ڈیمو کریٹک فرنٹ، عوامی ورکرز پارٹی اور پروگریسو اسٹوڈنٹ فیڈریشن کے ساتھ مل کر ایک نئے فلڈ ریلیف کیمپ کا آغاز کررہی ہے۔ کل 10 اگست دوپہر 12 سے شام 7 بجے تک فلڈ ریلیف کیمپ کلفٹن، پنجاب چورنگی اور دیگر علاقوں میں لگائے جائیں گے۔