کوئٹہ، تادم مرگ بھوک ہڑتالی اساتذہ، متعدد کی حالت غیر ہونے پر ہسپتال منتقل

کوئٹہ (انتخاب نیوز) گورنمنٹ ٹیچرز ایسوسی ایشن (آئینی) بلوچستان کے تادم مرگ بھوک ہڑتالی کیمپ سے جاری کردہ پریس ریلیز میں کہا ہے کہ ہمارا قوم اساتذہ قائدین کا اپنا جائزہ اور تسلیم شدہ مطالبات پر عملدرآمد کیلئے تادم مرگ بھوک ہڑتال گیارویں روز بھی جاری ،عنایت اللہ کاکڑ، محمد قاسم خان اچکزئی کی حالت تشویشناک ہونے پر ہسپتال منتقل کردیا جبکہ مجیب اللہ غرشین، نعیم کاکڑ، منظور بلوچ، میر احمد بنگلزئی اور حاجی سعید ناصر ،ناصر مینگل کی بھی حالت غیر اور بے ہوشی کے دورے بے حس حکومت کی روایتی ہٹ دھرمی بدستور برقرار بیان میں مزید کہا گیا کہ منظم سازش کے تحت دانستہ طور پر شعبہ تعلیم کو تباہی کی جانب سے دھکیلا جارہاہے اساتذہ کے جائز مطالبات پر عملدرآمد میں محض ایک اساتذہ وتعلیم دشمن سیکرٹری کی غیر موجودگی کو جواز بناکر غیر ضروری تاخیر کی جارہی ہے موجودہ صوبائی حکومت کی بے بسی پر افسوس ہی کیا جاسکتا ہے تادم مرگ بھوک ہڑتالی قائدین کی تشویشناک حالت دیکھ کر اساتذہ میں اشتعال پایا جاتا ہے خدانخواستہ کسی بھی ناخوشگوار واقعہ رونما ہونے یا اساتذہ قائدین کو نقصان پہنچا تو حالات کو قابو کرنا حکومت اور بلکہ ہمارے کنٹرول سے باہر ہوجائیں گے بیان میں مزید کہا کہ صوبہ بھر کے اساتذہ اتحاد واتفاق برقرار رکھیں اور احتجاجی تحریک کو کامیابی سے ہمکنار کرنے کیلئے جدوجہد تیز کردیں 15اگست کو صوبائی اسمبلی کے سامنے احتجاجی دھرنا کیا جائے گا 16اگست کو تمام سیاسی پارٹیوں واسٹیک ہولڈرز کا مشترکہ اجلاس منعقد کیا جائے گا جبکہ 17اگست کو قومی شاہراﺅں کو بلاک کرکے اساتذہ بے حس حکومت کو جگانے کیلئے احتجاج ریکارڈ کرائیں گے قائدین و اساتذہ کے حوصلے بند ہیں اپنے حقوق لیکر ہی دم لیں گے علاوہ ازیں دن بھر احتجاجی کیمپ میں اظہار یکجہتی کرنے والوں کا رش رہا ۔