سی سی پی او لاہور کا عہدہ چھوڑنے سے انکار، وزیراعلیٰ پنجاب کی شاباشی

لاہور (انتخاب نیوز) وزیراعلیٰ پنجاب پرویز الٰہی سے کیپیٹل سٹی پولیس آفیسر (سی سی پی او) لاہور غلام محمود ڈوگر کی ملاقات۔ وفاق کی جانب سے خدمات واپس لینے اور اسٹیبلشمنٹ ڈویژن رپورٹ کرنے کے حکم کے باوجود سی سی پی او غلام محمود ڈوگر نے عہدہ چھوڑنے سے انکار کردیا ہے۔ وزیراعلیٰ پنجاب پرویز الٰہی سے سی سی پی او لاہور غلام محمود ڈوگر نے ملاقات کی جس میں پرویزالٰہی نے انہیں گلے لگا کر شاباشی دی اور کہاکہ آپ کو جانے نہیں دیں گے، اِدھر ہی کام کریں، حکومت مکمل سپورٹ دے گی۔ ملاقات میں مونس الٰہی بھی موجود تھے۔ دوسری جانب وزیراعلیٰ نے پولیس افسروں سے ویڈیو لنک پر بھی خطاب کیا اور کہا کہ جم کرکام کریں،جب تک میں نہیں چاہوں گا کسی کا تبادلہ نہیں ہوگا۔