بنگلادیش: حکومت کے خلاف ہزاروں افراد کا احتجاج

ڈھاکا (ویب ڈیسک) بنگلا دیش میں حکومت کے خلاف ہزاروں افراد سڑکوں پر نکل آئے۔ خبررساں اداروں کے مطابق بنگلادیش کی نیشنل پارٹی نے کھلنامیں احتجاج کی کال دی، جس پر ہزاروں افراد وزیر اعظم حسینہ واجد کی حکومت کے خلاف سڑکوں پر نکل آئے۔

مظاہرے کو روکنے کے لیے حکومت نے کریک ڈاؤن کرتے ہوئے شہر میں پبلک ٹرانسپورٹ بند کر دی، رکاوٹوں کی وجہ سے کئی مقامات پر جھڑپیں ہوئیں اور پولیس نے مظاہرین کو تشدد کا نشانہ بنایا۔ عوامی لیگ نے بنگلا دیش نیشنل پارٹی پر دہشت پھیلانے کا الزام عائد کیاہے۔