کوئٹہ سے چائلڈ پورنو گرافی مواد شیئر کرنیوالا ملزم گرفتار، چاغی میں لیویز نے ڈاکو پکڑ لیا

کوئٹہ (آن لائن) ایف آئی اے سائبرکرائم سرکل کوئٹہ کی کارروائی سائبر کرائم سرکل کوئٹہ نے کامیاب ریڈ کرتے ہوئے ملزم منیر کو گرفتار کر لیا۔ملزم چائلڈ پورنوگرافی مواد شیئر کرنے میں ملوث تھا۔ملزم کو جدید وسائل کو بروئے کار لاتے ہوئے قلات سے گرفتار کیا گیا۔ملزم کے خلاف کارروائی سائبر کرائم سرکل کوئٹہ میں قائم خصوصی یونٹ نے کی یونٹ ٹو کاونٹر آن لائن چائلڈ ابیوز* (UCOCA)بچوں کے آن لائن استحصال کی تحقیقات کے لیے بنایا گیا ہے۔یہ یونٹ بین الاقوامی اداروں، ایجنسیوں اور انٹرپول سے موصول ہونے والی شکایات پر کارروائی کرتا ہے۔ملزم منیر کے خلاف کارروائی بھی بین الاقوامی ادارے سے موصول ہونے والی رپورٹ کی روشنی میں کی گئی۔ملزم کے موبائل کو قبضے میں لے کر فرانزک کے لئے بھجوا دیا گیا۔ملزم کے خلاف پیکا ایکٹ کے تحت مقدمہ درج تھا۔مقدمے کی تفتیش جاری ہے۔ علاوہ ازیں چاغی لیویز فورس کی کاروائی بد نام زمانہ ڈاکو گینگ گرفتار ذرائع کے مطابق کیو آر ایف ٹیم نے کاروائی کرتے ہوئے بشیر احمد، کو گرفتار کر لیا جنکے قبضے سے ایک عدد رائفل تین میگزین بمہ راونڈز اور مسروقہ گاڑی کو بھی تحویل میں لے لیا گیا ملزم مختلف روڈ ڈکیتی و دیگر گروہوں کے ساتھ ملکر وارداتیں کرتے رہے ہیں لیویز ذرائع کے مطابق ملزم کے دیگر ساتھیوں کو بھی جلد گرفتار کیا جائے گا ملزم سے تفتیش جاری ہے۔