برطانیہ میں مقیم 10 پاکستانی پیر صاحبان کی دولت کا تخمینہ، پیر ہاشم الگیلانی سب سے زیادہ مالیت کے مالک

لندن (مانیٹرنگ ڈیسک) انگلینڈ میں مقیم چند پاکستانی پیر صاحبان کی دولت کا تخمینہ ( آف شور دولت اور ٹرسٹ اس میں شامل نہیں )۔ ایک رپورٹ کے مطابق صوفی جنید نقشبندی صوفی عبداللہ نقشبندی کے نواسے سجادہ نشین آستانہ عالیہ گھمکول شریف، برمنگھم 132 ملین پاو¿نڈ، پاکستانی 290 ارب تقریباً۔ پیر سلطان نیاز الحسن باہو سجادہ نشین آستانہ عالیہ سلطان باہو برمنگھم 80 ملین پاو¿نڈ، 176 ارب روپے تقریباً۔ پیر سلطان فیاض الحسن باہو اسسٹنٹ سجادہ نشین آستانہ عالیہ سلطان باہو برمنگھم 83 ملین پاو¿نڈ ، 183 ارب روپے تقریباً۔ پیر نورالعارفین صدیقی سجادہ نشین آستانہ عالیہ نیریاں شریف برمنگھم 77 ملین پاو¿نڈ، 170 ارب روپے تقریباً۔ پیرزادہ امداد حسین مہتمم جامعہ الکرم نوٹنگھم 76 ملین پاو¿نڈ، 168 ارب روپے تقریباً۔ پیر معروف حسین شاہ نوشاہی، آستانہ عالیہ نوشاہیہ بریڈفورڈ 68 ملین پاو¿نڈ، 150 ارب روپے تقریباً۔ پیر معروف حسین صاحب برطانیہ میں وارد ہونے والے سب سے پہلے پیر ہیں، موصوف اپریل 1961ءمیں برطانیہ تشریف لائے اور اون کی مل میں مزدوری شروع کی چند ماہ بعد بریڈ فورڈ میں تبلیغ الاسلام کے نام سے ایک مکان میں مسجد بنائی لیکن مریدین کی تعداد کم ہونے کی وجہ سے اگلے 18 سال ملوں میں مزدوری ہی کرتے رہے، اس وقت بریڈفورڈ و گرد و نواح میں تیس سے زائد مکانات میں تبلیغ الاسلام کے نام سے مساجد بناچکے ہیں اور ان تمام پراپرٹیز کے بلاشرکتِ غیرے مالک بھی ہیں لیکن ان مکانات کی مالیت 68 ملین پاو¿نڈ میں شامل نہیں پیر صاحب اس لحاظ سے بھی بدقسمت ہیں کہ پاکستان میں کسی بڑی گدی کے سجادہ نشین نہ ہونے کی وجہ سے برطانیہ میں ان کے مریدین کی تعداد ابھی تک بیس ہزار سے کم ہے ۔ پیر سید عبدالقادر جیلانی سابق خطیب ٹنچ بھاٹہ راولپنڈی مہتمم دارالعلوم قادریہ جیلانیہ لندن 62 ملین پاﺅنڈ پاکستانی 139 ارب روپے تقریباً۔ پیر منور حسین جماعتی سجادہ نشین آستانہ علیہ امیرِ ملت پیر جماعت علی شاہ برمنگھم 60 ملین پاﺅنڈ پاکستانی 134 ارب روپے تقریباً۔ پیر حبیب الرحمن محبوب سجادہ نشین آستانہ عالیہ ڈھانگری شریف بریڈفورڈ 32 ملین پاﺅنڈ پاکستانی 71 ارب روپے تقریباً۔ پیرعرفان مشہدی سجادہ نشین آستانہ عالیہ بکھی شریف بریڈفورڈ پیر عرفان شاہ صاحب ان پیروں میں سب سے غریب ترین پیر ہیں کیونکہ ان کی دولت 2 ملین پاﺅنڈ یعنی پاکستانی صرف 44 کروڑ روپے ہے۔ تلک عشرة کاملة مندرجہ بالا تمام دس پیر صاحبان کا تعلق پاکستان و آزاد کشمیر سے ہے جو برٹش نیشنیلٹی ہولڈر اور برطانیہ میں مقیم ہیں۔ طاہر القادری سمیت وہ تمام پیر صاحبان جنہوں نے اپنی دولت ٹرسٹ (این جی اوز) کے پردے میں چھپائی ہوئی ہے وہ اس لسٹ میں شامل نہیں۔ نیز پاکستان میں مقیم جو پیر صاحبان سالانہ یہاں سے اربوں روپے کے نذرانے بٹورنے کے لیے تشریف لاتے ہیں وہ بھی اس لسٹ میں شامل نہیں۔ مندرجہ بالا دس پیر صاحبان کی اجتماعی دولت سے کئی گنا زیادہ دولت کے مالک ”پیر ہاشم الگیلانی البغدادی“ ہیں جو آستانہ عالیہ شیخ عبدالقادر جیلانی بغداد کے گدی نشین ہیں۔ یہ پیر صاحب بھی برٹش نیشنلیٹی ہولڈر اور مقیمِ برطانیہ ہیں۔ جیسے پاکستانی نژاد برطانوی پیر کبھی کبھی پاکستان دورہ پر تشریف لے جاتے ہیں، اسی طرح یہ بھی کبھی کبھی بغداد کے دورہ پر تشریف لے جاتے ہیں۔