دنیا بھر میں مسیحی برادری نے ایسٹر منایا، پوپ فرانسس نے دعا کرائی اور شمعیں روشن کیں

ویٹی کن سٹی (آئی این پی) پاکستان سمیت دنیا بھر میں مسیحی برادری نے ایسٹر کا تہوار منا یا ، مسیحی برادری کی جانب سے مختلف گرجا گھروں میں خصوصی عبادات اور دعائیہ تقاریب کا اہتمام کیا گیا ہے ، ویٹی کن سٹی میں پوپ فرانسس نے دعا کرائی اور شمعیں روشن کی گئیں۔ بہت سے عیسائی ایسٹر سے پہلے کے چالیس دنوں کے دوران روزے رکھتے اور اپنے گناہوں کا اقرار کرتے ہیں، یہ عرصہ لینٹ یا روزوں کے چلے کے طور پر مشہور ہے ، لینٹ قدیم انگریزی زبان کا لفظ ہے جس کے معنی بہار کے ہیں۔ مسیحی خاندانوں کیلئے یہ دن فیملی ری یونین کے طور پر بھی ایک یادگار دن سمجھا جاتا ہے ،عبادات کے علاوہ ایسٹر موسیقی، پھولوں، موم بتیوں، اور چرچ کی گھنٹیاں بجا کر بھی منایا جاتا ہے۔