بیت المقدس کے ارد گرد آباد کاری سڑک اسرائیل کا مجرمانہ منصوبہ ہے ،حماس

غزہ (صباح نیوز)اسلامی تحریک مزاحمت(حماس)نے کہا ہے کہ بیت المقدس کے ارد گرد آبادکاری سڑک اسرائیل کا مجرمانہ منصوبہ ہے۔حماس کے القدس میں ترجمان محمد حمادہ نے کہا کہ القدس ارد گرد آبادکاری کی سڑک کی تعمیر، اسے شہر کے مشرق میں فلسطینی سرزمین پر قائم ہونے والی ’’معالیہ ادومیم ‘‘بستی سے جوڑنا ایک مجرمانہ سکیم ہے۔القدس شہر کے حماس کے ترجمان محمد حمادہ نے بیان میں کہا کہ اس منصوبے کا مقصد سڑک کے ساتھ آباد کاری کی توسیع کو آسان بنانا ہے، جسے E1 علاقے کے نام سے جانا جاتا ہے۔حماس نے کہا کہ فلسطینی عوام اپنی سرزمین اور آزادی کے اپنے حق کے دفاع میں قابض ریاست کے آبادکاری کے منصوبوں کا طاقت اور ہر قسم کی مزاحمت کا مقابلہ کریں گے۔قابض حکام یروشلم شہر میں E1 کے نام سے مشہور علاقے میں آباد کاری کی سڑک کی تعمیر کے لئے منصوبہ بندی کے آخری مراحل میں پہنچ چکے ہیں۔