تخریب کاری کے سہولت کار ملک سے امن معاملات پر بات نہیں ہوسکتی، بھارتی وزیر خارجہ جے شنکر
نئی دہلی (مانیٹرنگ ڈیسک) پاکستانی وزیر خارجہ بلاول بھٹو کے آئینہ دکھانے اور اصلیت دنیا کے سامنے لانے پر بھارتی وزیر خارجہ آگ بگولہ ہوگئے اور انہوں نے الزامات کی بوچھاڑ کردی۔ بھارتی وزیر خارجہ جے شنکر نے بلاول بھٹو کی پریس کانفرنس پر شدید ردعمل دیتے ہوئے کہا ہے کہ پاکستانی وزیر خارجہ کے ساتھ شنگھائی تعاون تنظیم اجلاس میں وہی سلوک کیا گیا جو تخریب کاری کو فروغ دینے والے ملک سے کیا جاتا ہے۔ جے شنکر نے صحافی کے سوال پر کھیساتے ہوئے کہا کہ جموں کشمیر بھارت کا حصہ تھا اور رہے گا، سری نگر سے پاکستان کا تعلق پہلے تھا اور نہ آئندہ ہوگا، پاکستان کے وہاں جی ٹوینٹی اجلاس کے انعقاد پر اعتراض کو بھارت کوئی اہمیت نہیں دیتا۔ ا±ن نے الزام عائد کرتے ہوئے کہا کہ تخریب کاری سے متاثرہ ملک تخریب کاری کے سہولت کار ملک کے ساتھ بیٹھ کر تخریب کاری کے معاملے پر بات نہیں کر سکتے۔ ہم تخریب کاری کے معاملے پر سفارتی پوائنٹ اسکورنگ نہیں کر رہے بلکہ سفارتی سطح پر پاکستان کی اصلیت سامنے لا رہے ہیں جس کا ہمیں حق حاصل ہے۔
