مظفرآباد،دریائے نیلم پر زیر تعمیرپل گرگیا، 3 مزدور جاں بحق،3زخمی

مظفر آباد(صباح نیوز)مظفرآباد کی تحصیل نصیر آباد میں دریائے نیلم پر زیر تعمیرپل گرنے سے 3 مزدور جاں بحق اور3زخمی ہوگئے۔تحصیل نصیر آباد میں دھنی اور گھنڈی کو ملانے کے لئے زیر تعمیر برج کو ہیوی مشینری کے ذریعے نصب کیا جا رہا تھا کہ اچانک گر پڑا۔پولیس کے مطابق حادثے میں 3مزدور موقع پر ہی جاں بحق اور 3 زخمی ہوگئے۔جاں بحق اور زخمی ہونے والے تمام افراد مقامی ہیں، زخمیوں کو قریبی ہسپتا ل منتقل کر دیا گیا ۔مقامی آبادی نے حادثے کا ذمہ دار ٹھیکیدار کو قرار دیتے ہوئے الزام لگایا ہے کہ حادثہ غفلت اور حفاظتی انتظامات مکمل نہ ہونے کی وجہ سے پیش آیا۔