کیچ میں اراضیات کی بندر بانٹ کرنے والوں کیخلاف کریک ڈائون شروع

تربت(نمائندہ انتخاب ) ضلع کیچ میں مختلف موضع جات میں اراضیات کی غیرقانونی بندربانٹ اورسرکاری اراضیات پرہاتھ صاف کرنے والوں کے خلاف ضلعی انتظامیہ ایکشن میں آگئی ، ڈپٹی کمشنر کیچ حسین جان بلوچ نے دوران سٹلمنٹ غیرقانونی اقدامات کی شکایات پر گزشتہ دنوں محکمہ ریونیواور سٹلمنٹ افسران کے ساتھ اہم میٹنگ منعقدکی، اجلاس میں محکمہ سٹلمنٹ کے ایشوز اور قبضہ گیری سے متعلق مختلف امور پر غورکیاگیا اور کئی اہم فیصلے کئے گئے ، اجلاس کے دوران عوام کی جانب سے موصول ہونے والی درخواست کے حوالے سے کہاگیا کہ موضع کپگئی زیارت اورموضع شمالی پھلانی کی سٹلمنٹ کے دوران سرکاری اراضی کو لینڈ مافیا کے نام پر غیرقانونی طورپر سٹلمنٹ کرایا گیا جبکہ اس سلسلے میں معذور افراد کے ایک وفدنے بھی تحریری درخواست کے ساتھ زیردستخطی سے رابطہ کیاکہ 70ایکڑ اراضی جو2021ءکے دوران خصوصی افراد کی ہاﺅسنگ اسکیم کیلئے تجویز کی گئی تھی اس زمین کی لیز پر ڈی سی آفس سے باقاعدہ کاروائی کی گئی لیکن معلوم ہوا کہ موضع پھلانی شمالی میں خصوصی افراد کے لیے تجویز کردہ 70 ایکڑ زمین اور کم آمدنی والے سرکاری ملازمین کے لیے 70 ایکڑ اراضی کو سیٹلمنٹ کے عملے نے بااثر افراد کے حق میں غیر قانونی طور پر سٹلمنٹ کیا ہے تاہم حتمی تصدیق ابھی باقی ہے، لہٰذا یہ فیصلہ کیا گیا کہ مذکورہ موضع پھلانی کے سیٹلمنٹ ریکارڈ کی انکوائری کرنے کے لیے ڈائریکٹر لینڈ ریکارڈ کی نگرانی میں انکوائری کر کے سٹلمنٹ کے عمل کو روکنے کے لیے بورڈ آف ریونیو سے رجوع کیا جائے گا،مزید برآں سیٹلمنٹ کے عملے کی طرف سے بتایا گیا کہ موضع کپگ ئِ زیارت جس کی سٹلمنٹ کا عمل مکمل ہوچکاہے ،ریکارڈ چیک کرنے پر پتہ چلتا ہے کہ سرکاری اراضی غیرقانونی طریقے سے چند افراد کے حق میں کردی گئی ہے خاص طور پر ایک شخص کو ان کی اثرورسوخ کی بنیاد پر اچھی خاصی زمین دی گئی ہے ، مذکورہ موضع ودیگر مواضع جات میں ناجائز قبضہ کے خلاف انکوائری شروع کرنے کی ضرورت محسوس کی گئی، تجاوزات کی زد میں آنے والی زمینوں کی نشاندہی اور چھاپے مارنے کے لیے پہلے ہی انسداد تجاوزات تشکیل دی گئی ہے، اے سی تربت نے ایسی زمینوں کو غیر قانونی قرار دینا شروع کر دیا ہے جس کے بعد اس کے خلاف ضروری کارروائی کی جائے گی، دریں اثناءبینظیر انکم سپورٹ پروگرام کے اسسٹنٹ ڈائریکٹر اور ایچ بی ایل کے ریجنل منیجر کے ساتھ بھی ڈپٹی کمشنر کیچ کی میٹنگ ہوئی ،،ایچ بی ایل فرنچائزز / ریٹیل شاپس کے ذریعے مستحقین کے لیے بی آئی ایس پی کیش کی تقسیم کے پروگرام پر تبادلہ خیال کیاگیا ، اے ڈی بی آئی ایس پی نے اپ ڈیٹ کیا کہ ضلع کیچ میں تقریباً 22000 خاندان مستفید ہیں، HBL کے ریجنل منیجر کو مشورہ دیا گیا کہ کسی بھی دھوکہ دہی کے کیس یا فائدہ اٹھانے والوں پر الزام لگانے کی صورت میں HBL سے منسلک فرنچائزز کے خلاف سخت کارروائی کی جائے گی جس میں HBL سے منسلک فرنچائزز کے ساتھ ساتھ ان کی رجسٹریشن منسوخ کر دی جائے گی اور HBL کے پاس ان کی سیکیورٹی ڈیپازٹ ضبط کر لی جائے گی،اس سلسلے میں، ریٹیلرز/فرنچائزز کو نوٹس بھی جاری کیا گیا ہے کہ وہ اپنے آ¶ٹ لیٹس پر ہونے والی کسی بھی دھوکہ دہی سے ہوشیار رہیں، اس صورت میں انہیں ذمہ دار ٹھہرایا جائے گا اور انہیں سزا دی جائے گی۔