کرکٹ ورلڈ کپ 2023، انگلینڈ نے بنگلا دیش کو 137 رنز سے شکست دیدی

نئی دہلی (مانیٹرنگ ڈیسک) آئی سی سی کرکٹ ورلڈکپ کے ساتویں میچ میں دفاعی چیمپئن انگلینڈ نے بنگلادیش کو 137 رنز سے شکست دے کر ایونٹ میں پہلی کامیابی حاصل کرلی۔ 365 رنز کے تعاقب میں بنگلادیش کی ٹیم 48.2 اوورز میں227 رنز پر آو¿ٹ ہوگئی۔ بھارت کے دھرم شالا اسٹیڈیم میں کھیلے گئے میچ میں بنگلادیش نے ٹاس جیت کر فیلڈنگ کا فیصلہ کیا۔انگلینڈ نے مقررہ 50 اوورز میں شاندار کھیل پیش کرتے ہوئے 9 وکٹوں کے نقصان پر 364 رنز بنائے تھے۔ ڈیوڈ میلان 140 اور جو روٹ 82 رنز بناکر نمایاں رہے۔ واضح رہے کہ آج کے میچ کیلئے دونوں ٹیموں میں ایک ایک تبدیلی دیکھنے میں آئی، انگلش ٹیم میں معین علی کو بٹھا کر ریس ٹوپلے جبکہ بنگلایش کی ٹیم میں محمد اللہ کو ا?رام دیتے ہوئے مہدی حسن کوٹیم میں شامل کیا گیا۔ انگلینڈ کی جانب سے ڈیوڈ میلان اور جونی بیرسٹو نے اوپننگ کی اور ٹیم کو اچھا ا?غاز فراہم کرتے ہوئے بنگلادیش کی بولنگ کے ا?گے رنز کی چٹان ثابت ہوئے لیکن اوپننگ پارٹنر شپ ٹیم کو 115 رنز دینے کے بعد ٹوٹ گئی۔ جونی بیرسٹو 59 گیندوں پر 8 چوکوں کی مدد سے 52 رنز کی شاندار اننگز کھیل کربنگلادیشی کپتان شکیب الحسن کا شکار ہوگئے بیرسٹو کے بعد ڈیوڈ میلان اور اور جو روٹ کے درمیان بھی اچھی پارٹنر شپ قائم ہوئی لیکن 38 اوورز میں اوپنر ڈیوڈ میلان 16 چوکوں اور 5 چھکوں کی مدد سے 140 رنز کی شاندار اننگز کھیل کر مہیدی حسن کا شکار ہوگئے، اس کے بعد کپتان جوز بٹلر بھی 20 ، جوروٹ 82 رنز بناکر ا?و¿ٹ ہوگئے۔ انگلینڈ نے مقررہ 50 اوورز میں 9 وکٹوں کے نقصان پر 364 رنز بنائے۔ بنگلادیش کی جانب سے مہیدی حسن نے 4 جبکہ شریف الاسلام نے 3 وکٹیں حاصل کیں۔ 365 رنز کے تعاقب میں بنگلادیش کی پہلی وکٹ دوسرے اوور کی چوتھی گیند پر گری جب تنزید حسن 14 رنز بناکر ریس ٹوپلے کی گیند پر کیچ ا?و¿ٹ ہوئے اس کی اگلی ہی گیند پر ٹوپلے نے ہی مہیدی حسن کو صفر رنز پر پویلین بھیج دیا۔ بنگلادیش کی تیسری وکٹ بھی ٹوپلے کے ہی حصے میں ا?ئی جب انہوں نے صرف 26 رنز پر ہی کپتان شکیب الحسن کو پویلین بھیج دیا اس کے بعد مہیدی حسن میراز بھی 8 رنز بناکر پویلین لوٹ گئے جبکہ لٹن داس 76 رنز پر ا?و¿ٹ ہوگئے۔ اس کے علاوہ مشفیق الرحیم 51 اور توحید ردوئے 39 رنز بناکر پویلین لوٹے جبکہ ، تسکین احمد 13 اور شریف الاسلام نے 12 رنز بنائے۔ تاہم 365 رنز کے تعاقب میں بنگلادیش کی ٹیم 48.2 اوورز میں227 رنز پر ا?و¿ٹ ہوگئی اور انگلینڈ نے میچ 137 رنز سے سے جیت لیا۔ انگلینڈ کی جانب سے ریسی ٹوپلے نے43 رنز دے کر4 کھلاڑیوں کو ا?و¿ٹ کیا۔ یاد رہے کہ انگلینڈ اور بنگلادیش ا?ج ورلڈکپ میں اپنا دوسرا میچ کھیل رہے تھے، انگلش ٹیم کو پہلے میچ میں نیوزی لینڈ نے شکست دی تھی جبکہ بنگلادیش نے افغانستان کو ہرایا تھا۔