ترکیہ کا غزہ کیلئے امدادی بحری جہاز مصر کی العریش بندرگاہ پر پہنچ گیا
انقرہ (صباح نیوز) ترکیہ کا غزہ کے لیے امدادی بحری جہاز مصر کی العریش بندرگاہ پر پہنچ گیا ۔ترک خبر رساں ادارے کے مطابق ترکیہ کی جانب سے غزہ کے لیے ازمیر سے امدادی بحری جہاز مصر کی العریش بندرگاہ پر پہنچ گیا جس میں آپریشن تھیٹر،انتہائی نگہداشت کے یونٹ، سخت موسمی حالات کے خلاف قوت مدافعت کے حامل فیلڈ ہسپتال کی سہولت بھی موجود ہے،ادویات اور استعمال کی اشیا بھی بھیجی گئیں۔متعلقہ سامان سے لیس20 ایمبولینس اور جنریٹرز بھی اس سامان میں شامل ہیں۔ترک وزیر صحت فخرالدین قوجا نے اپنے سوشل میڈیا اکائونٹ پر مصری بندرگاہ پہنچنے والے جہاز کی تصویر شیئر کی۔انہوں نے واضح کیا ہے کہ یہ امداد مصر کے ساتھ مشترکہ تعاون کے ذریعے غزہ کے مکینوں تک پہنچائی جائے گی۔
Load/Hide Comments
