جرمنی اور قطر کی غزہ اور مغربی کنارے میں اسرائیلی کارروائیوں کی مذمت

برلن/دوحہ(صباح نیوز)جرمنی اور قطر نے غزہ اور مغربی کنارے میں اسرائیلی کارروائیوں کی مذمت کی ہے۔جرمن چانسلر اولاف شولز نے کہا کہ مغربی کنارے میں نئی آبادکاریوں کے خواہاں نہیں ہیں۔انہوں نے مزید کہاکہ غزہ میں انسانی صورتحال میں فوری بہتری کی ضرورت ہے، اسرائیلیوں، فلسطینیوں کے لیے دو ریاستی حل ہی بہترین ہے۔دوسری جانب قطر نے جبالیہ کیمپ میں اقوام متحدہ کے اسکول پر بمباری کی مذمت کی ہے۔قطری حکام نے سکولوں اور ہسپتالوں پر اسرائیلی حملوں کی فوری بین الاقوامی تحقیقات کا مطالبہ کیا ہے۔ادھر اسرائیل کی درخواست پر غزہ جنگ سے متعلق ہزاروں سوشل میڈیا پوسٹ ہٹادی گئیں۔