فلسطینی صحافی ڈاکٹر رفعت العریر اسرائیلی بمباری میںجاں بحق

مقبوضہ بیت المقدس (این این آئی)فلسطینی مصنف، پروفیسر اور صحافی ڈاکٹر رفعت العریر غزہ میں اسرائیلی بمباری میں شہید ہوگئے۔غیرملکی خبررساں ادارے کے مطابق ڈاکٹر رفعت کو اسرائیل نے فضائی حملے میں ان کے خاندان سمیت شہید کیا، اپنے آخری انٹرویو میں غزہ کی صورتحال بتاتے ہوئے ڈاکٹر رفعت نے کہا تھا کہ غزہ میں نہ ہی بجلی ہے، نہ پانی ہے اور نہ ہی کھانے کی اشیا موجود ہیں۔انہوں نے سوال کیا تھا کہ اسرائیل کیا چاہتا ہے؟ غزہ کے لوگ اجتماعی خودکشی کرلیں؟ سوشل میڈیا پر اپنے آخری پیغام میں ڈاکٹر رفعت نے ایک نظم شیئر کی اور پیغام دیا اگر مجھے مرنا ہے تو تمہیں کہانی سنانے کےلیے جینا ہے۔