بھارت کا شمسی خلائی مشن چار ماہ بعد سورج کے مدار میں داخل

نئی دہلی (صباح نیوز)بھارت کا شمسی خلائی مشن چار ماہ بعد سورج کے مدار میں داخل ہوگیا۔غیرملکی خبررساں ادارے کے مطابق یہ خلائی مشن دو سال تک اسی مدار میں رہے گا اور سورج کا مطالعہ کرکے اہم ڈیٹا اکٹھا کرے گا،4 ماہ قبل 2 ستمبر کو بھارت کی اسپیس ریسرچ آرگنائزیشن (اسرو)نے سورج کے سروے کے لئے سٹیلائٹ بھیجا تھا۔بھارت سورج کا مطالعہ کرنے کے لیے سیٹلائٹ بھیجنے والا دنیا کا چوتھا ملک ہے، بھارت سے قبل امریکا، روس اور یورپی خلائی ایجنسی اس قسم کی تحقیق کے لئے اپنے مشن بھیج چکے ہیں۔سورج کے لئے ہندی لفظ کے نام سے منسوب آدتیا ایل ون کو ایک ایسے موقع پر لانچ کیا گیا تھا جب بھارت چاند کے جنوبی قطب پر اترنے والا پہلا ملک بن گیا تھا۔