پاکستان کے زرمبادلہ کے ذخائر 9.32 کروڑ ڈالرز کم، اسٹیٹ بینک

اسلام آباد (انتخاب نیوز) اسٹیٹ بینک نے ملکی زرمبادلہ کے ذخائر کے نئے اعداد و شمار جاری کر دیے۔ اسٹیٹ بینک کے مطابق ملک میں زرمبادلہ کے ذخائر 19 اپریل کو 9.32 کروڑ ڈالرز کم ہوئے ہیں۔ ملکی زرمبادلہ ذخائر 19 اپریل تک 13.28 ارب ڈالر رہے تھے۔ اسٹیٹ بینک کی رپورٹ میں بتایا گیا ہےکہ اسٹیٹ بینک کے اپنے زرمبادلہ کے ذخائر 7.35 کروڑ ڈالر کم ہو کر 7.98 ارب ڈالر رہے۔ اسٹیٹ بینک کے مطابق کمرشل بینکوں کے زرمبادلہ ذخائر 1.97 کروڑ ڈالر کم ہو کر 5.29 ارب ڈالر رہے۔