ہیلی کاپٹر حادثہ،ایرانی صدر کی جان خطرے میں ہے، ایرانی حکام

تہران (مانیٹرنگ ڈیسک)ایرانی حکام کا کہنا ہے کہ ہیلی کاپٹر کی کریشن لینڈنگ کے بعدصدر رئیسی اور وزیرخارجہ کی زندگیاں خطرے میں ہیں۔غیر ملکی میڈیا سے گفتگو کرتے ہوئے ایرانی حکام کا کہنا ہے کہ ہم صدر اور ان کے ساتھیوں کی سلامتی کے لئے پرامید ہیں مگر اطلاعات تشویشناک ہیں۔ خیال رہے کہ ایرانی صدر ابراہیم رئیسی کا قافلہ مشرقی آذربائیجان میں ڈیم کا افتتاح کر کے واپس آ رہا تھا کہ صدر اور وزیرخارجہ کا ہیلی کاپٹر حادثے کا شکار ہو گیا۔ہیلی کاپٹر میں وزیر خارجہ حسین امیر عبد اللہیان، مشرقی آذربائیجان کےگورنر ملک رحمتی اور صوبے میں ایرانی صدرکے نمائندے آیت اللہ محمد علی بھی سوار تھے،ہیلی کاپٹر کی لینڈنگ کا مقام شمال مغربی صوبے آزربائیجان شرقی میں اوزی گاؤں کے قریب ہے۔ایرانی سرکاری ٹی وی کے مطابق ریسکیو حکام ہیلی کاپٹر کی ہنگامی لینڈنگ کے مقام تک پہنچنے کی کوشش کررہے ہیں، ایرانی وزیر داخلہ کا کہنا ہے کہ خراب موسم کی وجہ سے ایرانی صدرکے ہیلی کاپٹر نےہارڈلینڈنگ کی، ایرانی صدر اور ان کا وفد متعدد ہیلی کاپٹروں میں سوار تھا۔ دشوارگزار علاقے کی وجہ سے ہیلی کاپٹر تک پہنچنے میں کچھ وقت لگ سکتا ہے۔انہوں نے کہا کہ صدرکے ساتھیوں کے ساتھ رابطے میں ہیں لیکن کچھ مواصلاتی مشکلات ہیں۔