بھارت ، موبائل فون استعمال کرنے پر ماں نے 22سالہ بیٹی کو مار ڈالا

راجھستان(مانیٹرنگ ڈیسک)بھارتی ریاست میں موبائل فون استعمال کرنے پر ماں نے بیٹی کو جان سے مار ڈالا، تفصیلات کے مطابق واقعہ ریاست راجستھان کے علاقے بندایاکا میں پیش آیا جہاں 22 سالہ نیکیتا سنگھ اپنے امتحان کی تیاری کے بجائے زیادہ وقت موبائل فون پر خرچ کرتی تھی۔رپورٹس کے مطابق نیکیتا کی اسی عادت سے تنگ والد نے بیٹی سے موبائل فون لے کر رکھ لیا اور پڑھائی پر توجہ دینے پر زور دیا لیکن نیکیتا نے موبائل کا کم استعمال کرنے کی یقین دہانی کروائی جس پر اسے فون واپس دے دیا گیا۔پولیس کا کہنا ہے کہ والدہ سے فون واپس مانگنے کیلئے نیکیتا نے ضد کی اور یوں دونوں کے درمیان جھگڑا ہوا جس دوران والدہ نے طیش میں آ کر نیکیتا کے سر پر زور سے ڈنڈا مارا جس سے اس کی موت واقع ہوگئی۔