پاکستانی مفرور قاتل سعودی عرب سے گرفتار

لاہور (آئی این پی ) سعودی انٹرپول نے قتل کے مقدمے میں مطلوب ایک پاکستانی تارک وطن کو پنجاب پولیس کے حوالے کردیا ہے۔ مفرور شہری رفیق احمد متعدد کیسز میں مطلوب ہے جبکہ 2016 میں قتل میں ملوث ہو کر فرارہوگیا تھا۔پنجاب پولیس نے مفرور شخص کے خلاف انٹرپول میں ریڈ وارنٹ جاری کئے تھے۔ سعودی پولیس نے مفرور شخص کو شناخت کرکے اسے گرفتار کرلیا اور پاکستان کے حوالے کردیا ہے۔پنجاب پولیس نے سعودی انٹرپول کا تعاون پر شکریہ ادا کیا ہے۔