ٹی ٹوئنٹی ورلڈ مپں پاکستان کی پہلی کامیابی، کینیڈا کو 7 وکٹ سے ہرا دیا

کراچی (مانیٹرنگ ڈیسک) ٹی ٹوئنٹی ورلڈکپ میں پاکستان نے پہلی کامیابی حاصل کرتے ہوئے کینیڈا کو 7 وکٹ سے ہرا دیا۔ نیویارک میں کھیلے گئے میچ میں پاکستان نے کینیڈا کیخلاف ٹاس جیت کر پہلے بولنگ کا فیصلہ کیا۔ کینیڈا نے مقررہ 20 اوور میں 7 کھلاڑیوں کے نقصان پر 106 رنز بنائے۔کینیڈا کی جانب سے ارون جانسن نے 52 رنز کی اننگز کھیلی۔ پاکستان کی جانب سے محمد عامر اور حارث رﺅف نے 2،2 کھلاڑیوں کو آﺅٹ کیا۔ شاہین شاہ آفریدی اور نسیم شاہ نے ایک ایک وکٹ حاصل کی۔ پاکستان ٹیم نے107 رنز کا ہدف 17.3 اوورز میں 3 وکٹ کے نقصان پر حاصل کرلیا۔ کینیڈا کے خلاف محمد رضوان نے نصف سنچری بنائی جب کہ بابراعظم نے33، صائم ایوب نے 6 اور فخر زمان نے 4 رنز بنائے۔ پاکستان کے فاسٹ بولر محمد عامر پلیئر آف دی میچ قرار دیے گئے انہوں نے 4 اوورز میں 13 رنز دے کر 2 وکٹیں حاصل کیں۔ آج پاکستان ٹیم میں افتخار احمد کی جگہ صائم ایوب کو شامل کیا گیا تھا۔ دیگر کھلاڑیوں میں محمد رضوان ، فخرزمان، عثمان خان، شاداب خان، عماد وسیم، شاہین آفریدی، نسیم شاہ، حارث رو¿ف اور محمد عامر بھی شامل تھے۔