ٹی 20 ورلڈ کپ، نمیبیا کو شکست دے کر انگلینڈ سپر 8 کی دوڑ میں شامل

نیویارک(صباح نیوز)آئی سی سی ٹی 20 ورلڈ کپ میں بارش سے متاثرہ میچ میں دفاعی چیمپئن انگلینڈ نے نمیبیا کو ڈی ایل ایس میتھڈ کے تحت 41 رنز سے شکست دے دی جس کے بعد انگلش ٹیم سپر 8 مرحلے کی دوڑ میں شامل ہوگئی۔ٹی 20 ورلڈ کپ کے گروپ بی میں شامل دونوں ٹیمیں نارتھ ساوتھ میں مدمقابل ہوئیں جہاں نمیبیا نے ٹاس جیت کر پہلے انگلینڈ کو بیٹنگ کی دعوت دی۔بارش کی وجہ سے ٹاس تاخیر کا شکار ہوا اور میچ کو پہلے 11 اوورز فی اننگز تک محدود کیا گیا لیکن انگلش ٹیم کی اننگز میں پھر بارش کی وجہ سے میچ رکا اور پھر فی اننگز 10 اوورز تک محدود کی گئی۔انگلینڈ نے مقررہ 10 اوورز میں 5 وکٹوں کے نقصان پر 122 رنز اسکور کیے تاہم ڈی ایل ایس میتھڈ کے تحت نمیبیا کو 126 رنز کا ہدف ملا۔ٹی 20 ورلڈ کپ میں دفاعی چیمپئن انگلینڈ کی پہلی کامیابی، عمان کو بڑے مارجن سے شکست انگلش ٹیم کی جانب سے ہیری بروک نے ناقابل شکست 47 اور جونی بیئراسٹو نے 31 رنز کی اننگز کھیلی، اس کے علاوہ فل سالٹ 11، کپتان بٹلر صفر، معین علی 16 اور لیونگ اسٹن 13 رنز بناکر آٹ ہوئے۔نمیبیا کی جانب سے روبین ٹرمپلمین نے دو کھلاڑیوں کو آٹ کیا۔انگلینڈ کے 126 رنز کے ہدف کے تعاقب میں نمیبیا کی ٹیم مقررہ 10 اوورز میں 3 وکٹوں پر 84 رنز بنا سکی۔نمیبیا کی جانب سے مائیکل وین نے 33 رنز کی اننگز کھیلی جبکہ نکولس ڈیوس 18 رنز بنا کر رٹائرڈ ہرڈ ہو گئے، ڈیوڈ ویزے نے 27 رنز بنائے۔انگلینڈ کی جانب سے جوفرا آرچر اور کرس جارڈن نے ایک، ایک کھلاڑی کو آٹ کیا۔47 رنز کی عمدہ اننگ کھیلنے پر ہیری بروک کو میچ کا بہترین کھلاڑی قرار دیا گیا۔یوں انگلینڈ نے 41 رنز سے کامیابی حاصل کرکے سپر 8 مرحلے میں پہنچنے کی امید برقرار رکھی۔گروپ بی میں انگلینڈ نے 3 میچز کھیلے ہیں جس میں سے انگلش ٹیم کو ایک میچ میں کامیابی اور ایک میں ناکامی کا سامنا رہا جبکہ ایک میچ بارش کی نظر ہوا۔گروپ بی سے آسٹریلیا پہلے ہی سپر 8 مرحلے کے لیے کوالیفائی کرچکا ہے، انگلش ٹیم کو اگلے مرحلے میں پہنچنے کے لیے کینگروز کے ہاتھوں اسکاٹ لینڈ کی شکست کا انتظار کرنا ہوگا۔گروپ بی میں آسٹریلیا 6 پوائنٹس کے ساتھ پہلے، انگلینڈ اور اسکاٹ لینڈ 5،5 پوائنٹس کے ساتھ دوسرے اور تیسرے نمبر پر موجود ہیں