وزیراعلیٰ بلوچستان پانچ سال پورے کریں گے، تبدیلی یا استعفے کی خبریں من گھڑت ہیں، علی مدد جتک

کوئٹہ (آن لائن)صوبائی وزیر زراعت حاجی علی مدد جتک نے کہا ہے کہ وزیراعلی بلوچستان میر سرفراز بگٹی پانچ سال پورے کریں گے وزیراعلی بلوچستان پارٹی قیادت کے وژن کے مطابق صوبے کو ترقی کی راہ پر گامزن کریں گے وزیراعلیٰ بلوچستان کی تبدیلی یا استعفا لینے کے حوالے سے خبریں من گھڑت ہیں۔ انہوں نے کہا کہ حواس باختہ اور شکست خوردہ لوگ وزیراعلیٰ بلوچستان کی کارکردگی اور میرٹ پسندانہ سوچ سے خوفزدہ ہیں وزیراعلیٰ بلوچستان صوبے میں حقیقی ترقی اور عوام کو بہتر صحت، تعلیم اور روزگار کے مواقع فراہم کرنے کے لئے کوشاں ہے انکا کہنا تھا کہ وزیراعلی بلوچستان اور لا انفورسمنٹ ایجنسیز صوبے میں امن و امان کی بہتری اور دہشتگردوں کی بیخ کنی کے لئے سرگرم ہے عنقرب بلوچستان پرامن اور ترقی یافتہ صوبہ ہوگا اور ملک و صوبے کے دشمنوں کو منہ کی کھانی پڑے گی۔