دکی، سیلابی ریلے میں ایک شخص گاڑی سمیت بہہ گیا

دکی (یو این اے) دکی میں تحصیل لونی کے علاقے کلی منزکی میں انمبار ندی میں فیلڈر گاڑی ڈرائیور سمیت سیلابی ریلے میں بہہ گئی رسالدار لیویز سکندر خان لونی کے مطابق سیلابی ریلے میں بہہ جانے والے ڈرائیورعبدالقادر ناصر کا تعلق نیو باور لورالائی سے ہے۔جوکہ محکمہ بی اینڈ آر میں کلرک تھا۔فیلڈر گاڑی میں سوار دیگر افراد سیلابی ریلے میں داخل ہونے سے پہلے گاڑی سے اتر گئے تھے۔سیلابی ریلے میں بہہ جانے والے ڈرائیور نے اچانک گاڑی سیلابی ریلے میں ڈال کر پھلانگنے کی کوشش کی جسکی وجہ سے وہ گاڑی سمیت سیلابی ریلے میں بہہ گیا تاحال اسے سیلابی ریلے سے نہیں نکالا جاسکا ہے۔