ترقی کا راستہ بلوچستان سے ہی نکلتا ہے، نوجوان گمراہی کا شکار نہ ہوں،سرفراز بگٹی

کو ئٹہ( آئی این پی ) وزیر اعلیٰ بلوچستان میر سرفراز بگٹی نے کہا ہے کہ ناہموار ترقی پورے پاکستان کا مسئلہ ہے، ترقی کا راستہ بلوچستان سے ہی نکلتا ہے، بیروزگاری ایک بڑا چیلنج ہے یہاں جاب کے مواقع محدود ہیں ، نوجوانوں کو ہنر مند بناکر بیرون ملک روزگار کے لئے بھیجنا ایک خواب تھا جو آج شرمندہ تعبیر ہو نے جا رہا ہے ،پھر کہتا ہوں کوئی نوکری نہیں بکے گی ، میرٹ کو یقینی بنائیں گے، بیڈ گورننس کا خاتمہ کرکے نوجوانوں کو ریاست سے نزدیک کریں گے۔ان خیالات کا اظہار انہوں نے جمعہ کو چیف منسٹر یوتھ اسکلز ڈویلپمنٹ پروگرام کی افتتاحی تقریب سے خطاب کر تے ہو ئے کیا۔ وزیر اعلیٰ بلو چستان میر سرفرا بگٹی کا کہنا تھا کہ نوجوانوں کو ہنر مند بناکر بیرون ملک روزگار کے لئے بھیجنا ایک خواب تھا آج یہ تاریخی خواب شرمندہ تعبیر ہونے جاررہا ہے،بیروزگاری ایک بڑا چیلنج ہے کیو نکہ یہاں ملازمتوں کے مواقع محدود ہیں ان حالات میں یہ حل نظر آیا کہ نوجوانوں کو ہنر مند بناکر بیرون ملک بھیجیں صدر مملکت آصف علی زرداری، چیئرمین بلاول بھٹو زرداری اور وزیر اعظم محمد شہباز شریف نے اس آئیڈیا سے اتفاق کیا ، چیئرمین پیپلزپارٹی بلاول بھٹو زرداری نے بھرپور حوصلہ افزائی کی ہم چیف منسٹر یوتھ اسکلز ڈویلپمنٹ پروگرام میں میرٹ کو یقینی بنائیں گے انہوں نے تمام وزرا، سیکرٹریز اور افسران کو سو فیصد میرٹ کو یقینی بنانے کی ہدایت کی اور کہا کہ ہر ضلع سے مساوی تعداد میں نوجوانوں کی سلیکشن ہوگی ، بلوچستان سے جانے والے نوجوان اپنے ملک کا بہتر تشخص اجاگر کریں آپ پاکستان کے سفیر ہیں ، نیک نامی کا باعث بنیں نوجوان گمراہی کا شکار نہ ہوں ، ترقی کے لئے مثبت سوچ اپنائیں ،وزیر اعلیٰ بلوچستان میر سرفراز بگٹی نے کہا کہ بلوچستان حکومت اپنی دیگر ضروریات اور منصوبوں کو کم کرکے نوجوانوں پر وسائل خرچ کررہی ہے،بلوچستان کے ہر نوجوان کو ترقی و روزگار کے مواقع فراہم کریں گے نوجوانوں کی ترقی کا خواب حقیقی روپ اختیار کرنے جاررہا ہے، بینظیر بھٹو اسکالرشپ پروگرام کے تحت باصلاحیت نوجوانوں کو آگے بڑھنے کے مواقع فراہم کررہے ہیں انہوں نے کہا کہ سولہ سالہ تعلیمی اخراجات صوبائی حکومت برداشت کرے گی ہم بیڈ گورننس کا خاتمہ کرکے نوجوانوں کو ریاست سے نزدیک کریں گے میں ایک با ر پھر کہتا ہوں کوئی نوکری نہیں بکے گی ، میرٹ کو یقینی بنائیں گے ہم نوجوانوں کو ترقی کے مواقع فراہم کررہے ہیں جبکہ دوسری طرف نوجوانوں کو خود کش بنایا جاررہا ہے، فیصلہ بلوچستان کے عوام نے کرنا ہے کہ کون درست کون غلط ہے انہوں نے کہا کہ ریاست ہماری پہچان ہے اس کی قدر کرنی ہے ناہموار ترقی پورے پاکستان کا مسئلہ ہے، ترقی کا راستہ بلوچستان سے ہی نکلتا ہے سوشل میڈیا پر بے بنیاد پروپیگنڈوں کے ذریعے گمراہی پھیلائی جاتی ہے ایک طرف شنگھائی تعاون تنظیم کی کانفرنس چل رہی تھی تو دوسری طرف ریپ کا بے بنیاد پروپیگنڈا پھیلا کر بے چینی پھیلائی گئی نوجوانوں کو مثبت سوچ اپنا کر آگے بڑھنا ہوگا۔