کراچی: ماڈل کالونی میں واقع کارخانے میں خوفناک آگ بھڑک اٹھی، دھماکوں کی آوازیں

کراچی (مانیٹرنگ ڈیسک)کراچی میں ماڈل کالونی کے علاقے لاسی پاڑا میں واقع کارخانے میں آگ بھڑک اٹھی، جس کے باعث دھوئیں کے گہرے سیاہ بادل دور سے دکھائی دے رہے ہیں جبکہ دھماکوں کی آوازیں بھی سنائی رے رہی ہیں۔رپورٹ کے مطابق ملیر کے گنجان آباد علاقے ماڈل کالونی میں واقع لاسی پاڑا کے کارخانے میں خوفناک آگ بھڑک اٹھی ہے جس کے باعث دھوئیں کے گہرے سیاہ بادل دور سے دکھائی دے رہے ہیں۔ریسکیو ذرائع کے مطابق آگ فائبر کی پانی کی ٹنکی بنانے والے کارخانے میں لگی ہے، آگ کی اطلاع پر فائر بریگیڈ، پولیس اور رینجرز کی بھاری علاقے میں پہنچ گئی۔فائبر کی ٹنکی بنانے والے کارخانے میں آتشزدگی کے بعد اہل علاقہ کی بڑی تعداد موقع پر جمع ہوگئی تاہم پولیس اور رینجرز نے لوگوں کو جائے حادثہ سے دور کردیا ہے جبکہ آگ پر قابو پانی کی کوششیں جاری ہیں۔