چین میں ڈرائیور نے گاڑی پرائمری اسکول کے طلبہ پر چڑھا دی

چین کے صوبے ہنان میں ڈرائیور نے گاڑی پرائمری اسکول کے باہر طلبہ اور راہگیروں پر چڑھا دی۔چینی میڈیا کے مطابق واقعے میں کئی طلبہ اور راہگیر زخمی ہوئے جنہیں اسپتال منتقل کردیا گیا ہے۔برطانوی میڈیا کے مطابق گاڑی کے ڈرائیور کو اسکول کے باہر موجود سیکیورٹی گارڈ اور طلبہ کے والدین نے پکڑ کر پولیس کے حوالے کردیا ہے، واقعے سے متعلق تفتیش کا آغاز کردیا گیا ہے۔
میڈیا رپورٹس کے مطابق واقعے کے بعد جائے وقوعہ پر افرا تفری مچ گئی، بچوں کو خوف سے چیختے ہوئے دیکھا گیا۔واضح رہے کہ گزشتہ ہفتے چین میں تیز رفتار گاڑی نے لوگوں کو کچل دیا تھا جس کے نتیجے میں کم از کم 35 افراد ہلاک جبکہ 43 افراد شدید زخمی ہوئے تھے۔