کراچی سے چوری شدہ گاڑی وڈھ سے برآمدپولیس

خضدار (یو این اے )کراچی کے علاقے گلستان جوہر سے چوری کی گئی کرولا گاڑی وڈھ بازار کے قریب بدرنگ کے مقام پر حادثے کا شکار ہوگئی، جس کے بعد وڈھ پولیس نے گاڑی کو تحویل میں لے لیا۔ تفصیلات کے مطابق دو روز قبل یہ گاڑی کراچی کے گلستان جوہر سے چوری کی گئی تھی اور بلوچستان منتقل کی جا رہی تھی کہ حادثے کا شکار ہو گئی پولیس کے مطابق ملزمان گاڑی چھوڑ کر فرار ہو گئے، اور پولیس نے گاڑی کو لاوارث حالت میں دیکھ کر تحقیقات کا آغاز کیا۔ ایس ایچ او وڈھ محمد یوسف چانڈیو نے بتایا کہ گاڑی بے قابو ہوکر سڑک سے نیچے جا گری تھی پولیس نے مزید تحقیقات شروع کر دی ہیں اور ملزمان کی تلاش جاری ہے