وندر، ٹریفک کے مختلف حادثات و واقعات، ایک کمسن بچہ جاں بحق، 8 افراد زخمی
وندر(یو این اے )وندر کے قریب مین قومی شاہراہ این 25 پر ٹریفک کے مختلف حادثات و واقعات میں ایک کمسن بچہ جاں بحق آٹھ افراد زخمی ہو گئے ۔ ریسکیو ذرائع کے مطابق گزشتہ روز پولیس تھانہ وندر کی حدود میں ناکہ کھارڑی کے قریب سوزوکی گاڑی سے گر کر کمسن بچہ علی رضا ولد شاہد ٹریلر نمبر TLY 088 کی زد میں اکر شدید زخمی ہوگیا اور زخموں کی تاب نہ لاتے ہوئے موقع پر چل بسا جبکہ آدم کھنڈ کے علاقے میں تیز رفتار ٹوڈی کار اور ٹریلر کے درمیان تصادم کے باعث کار گاڑی میں سوار سات افراد زخمی ہوئے جن میں مرد ، خواتین اور بچے شامل تھے۔ رانا بھٹ کے مقام پر موٹر سائیکل سے گر کر ایک شخص زخمی ہوگیا مرک 1122 سینٹرل کمانڈ اینڈ کنٹرول روم کی کال موصول ہونے بعد میڈیکل ایمرجنسی ٹیم فوری طور پر جائے حادثات پر پہنچ گئی۔ ریسکیو سینٹر کی ایمبولینس کے ذریعے جاں بحق بچے کی نعش کو آر ایچ سی اسپتال وندر منتقل کر دیا گیا جبکہ زخمیوں کو ابتدائی علاج کے بعد مزید علاج کے لیے 1122 ریسکیو سینٹر وندر کی ایمبولینس کے ذریعے جام غلام قادر سول اسپتال حب منتقل کر دیا گیا۔ وندر پولیس نے ضابطے کی ضروری کارروائی مکمل کرنے کے بعد بچے کی نعش کو ورثا کے حوالے کر دی جبکہ ٹریلر کو اس کے ڈرائیور سمیت تحویل میں لے کر مزید تفتیش شروع کر دی ۔
