لکی مروت، تخریب کاروں نے 17 سویلین ورکرز کو اغوا کرلیا، 8 بازیاب

تخریب کاروں نے لکی مروت کے علاقے کبل خیل میں بھتہ نہ دینے پر 17 سویلین ورکرز کو اغوا کرلیا، جن میں سے 8 مغوی ورکزز کو فورسز نے بازیاب کروا لیا۔ذرائع کے مطابق آج دن کے وقت تخریب کاروں نے خیبرپختونخوا کے ضلع لکی مروت کے علاقے کبل خیل میں 17 سویلین ورکرز کو بھتہ خوری کے لیے اغوا کیا۔تخریب کاروں نے سویلین ورکرز کو اغوا کرنے کے بعد وہاں کے مقامی ٹھیکدار کی گاڑی کو بھی آگ لگا دی۔سیکیورٹی فورسز اور قانون نافذ کرنے والے اداروں نے اب تک 8 مغوی ورکزز کو بازیاب کروالیا، باقی ورکز کو بازیاب کرنے کیلئے آپریشن جاری ہے۔