زہری حملہ ،غیر ذمہ داری کا مظاہرہ کرنے پر لیویز کے 15اہلکار ملازمت سے برخاست

خضدار(این این آئی)خضدار کی تحصیل زہری حملے کے دوران بزدلی کا مظاہرہ کرنے پر لیویز فورس کے 15اہلکاروں کو ملازمت سے برخاست کردیاگیا ۔ڈپٹی کمشنر خضدار کے جاری کردہ اعلامیے کے مطابق 8جنوری کو خضدار کی تحصیل زہری میں لیویز تھانہ ، زہری ٹائون کمیٹی، یو بی ایل بینک، نادرا کے دفتر پر حملے کے دوران بزدلی ، غیر ذمہ داری کا مظاہرہ کرنے پر لیویز کے 15اہلکاروں کو ملازمت سے برخاست کردیاگیا ۔ ڈپٹی کمشنر کے مطابق لیویز اہلکاروں کی بزدلی اور غیر ذمہ داری کو مد نظر رکھتے ہوئے ان کے خلاف کسی بھی تحقیقات کی ضرورت نہیں پڑی ۔