ارشد پپو قتل کیس، عذیر بلوچ سمیت تمام ملزمان کیخلاف گواہان کو عدالت نے طلب کرلیا
کراچی (این این آئی) انسداد دہشتگردی کی خصوصی عدالت نے عزیر بلوچ و دیگر کیخلاف ارشد پپو قتل کیس میں آئندہ سماعت پر گواہوں کو طلب کرلیا۔ کراچی سینٹرل جیل انسداد دہشتگردی کمپلیکس میں خصوصی عدالت کے روبرو ارشد پپو قتل کیس کی سماعت ہوئی۔ تفتیشی افسر یامین گجر عدالت سے غیر حاضر رہا۔ تفتیشی افسر کی جانب سے گواہوں کو بھی پیش نہیں کیا جاسکا۔ عدالت نے آئندہ سماعت پر گواہوں کو طلب کرلیا۔ عدالت نے عزیر بلوچ، زبیر بلوچ، اکرم بلوچ اور ذاکر بلوچ کی بریت کی درخواستوں پر دلائل طلب کیے اور 22 مئی تک سماعت ملتوی کردی۔ پولیس کے مطابق ارشد پپو سمیت 3 افراد کو بے رحمی سے قتل کیا تھا، مقدمے میں عزیر بلوچ اور اس کے بھائی زبیر بلوچ گرفتار ہیں۔ مقدمے میں شاہ جہان بلوچ، ذاکر بلوچ، اکرم بلوچ اور یوسف بلوچ ضمانت پر رہا ہیں۔ جبکہ دیگر کیخلاف تھانہ کلاکوٹ میں مقدمہ درج ہے۔
