پاکستان نے سلامتی کونسل کی صدارت سنبھال لی، رکن ممالک سے شراکت داری کے خواہاں ہیں، اسحاق ڈار

اسلام آباد (انتخاب نیوز) نائب وزیراعظم اور وزیر خارجہ اسحاق ڈار کا کہنا ہے کہ پاکستان نے آج اقوام متحدہ کی سلامتی کونسل کی صدارت سنبھال لی، سلامتی کونسل کو مو¿ثر، فعال اور سفارتی انداز میں چلایا جائے گا۔ انہوں نے اپنے بیان میں کہا کہ پاکستان تمام رکن ممالک کے ساتھ شراکت داری کا خواہاں ہے۔ اسحاق ڈار کا کہنا ہے کہ یہ پاکستان کا بطور غیر مستقل رکن آٹھواں دور ہے، پاکستان یو این چارٹر، عالمی قانون اور کثیرالجہتی اصولوں سے وابستہ ہے۔ انہوں نے کہا کہ دنیا بھر میں بڑھتے تنازعات و بحرانوں پر مو¿ثر ردعمل ضروری ہے۔ وزیر خارجہ کے مطابق اس ماہ پاکستان 2 اعلیٰ سطح اجلاسوں کی صدارت کرے گا۔ پہلا اجلاس امن و تنازعات کے پرامن حل سے متعلق ہوگا، جبکہ دوسرا اجلاس اقوامِ متحدہ اور او آئی سی کے تعاون پر مبنی ہوگا۔