لسبیلہ میں ٹریفک حادثہ ، 9 افراد جاں بحق، 2 زخمی

لسبیلہ میں ٹریفک حادثہ ، 9 افراد جاں بحق، 2 زخمی
لسبیلہ (انتخاب نیوز) اوتھل کے قریب فقیرہ اسٹاپ کے مقام پر مسافر کوچ اور دو پک اپ گاڑیوں میں تصادم کے نتیجے میں 9 افراد جاں بحق، دو زخمی ہوگئے۔ جاں بحق افراد میں ایک پولیس اہلکار بھی شامل، ایک پولیس اہلکار زخمی ہوگیا۔ لاشوں و زخمیوں کو سول ہسپتال اوتھل و بیلہ منتقل کردیا گیا۔ کوچ کوئٹہ سے کراچی اور دونوں پک اپ گاڑیاں کراچی سے خضدار جارہی تھیں۔ حادثہ تیز رفتاری کے باعث پیش آیا۔ جاں بحق پولیس اہلکار و زخمی پولیس اہلکار پک اپ گاڑی میں اوتھل سے سوار ہوکر بیلہ جارہے تھے۔