صوبائی حکومت کا بینک آف بلوچستان کے قیام کا اعلان
کوئٹہ (انتخاب نیوز) وزیراعلیٰ بلوچستان میر سرفراز بگٹی کی زیر صدارت اجلاس میں ابتدائی فزیبلٹی رپورٹ پیش۔ منصوبہ قابل عمل قرار، وزیراعلیٰ بلوچستان کی ایک ہفتے میں آپریشنل پلان مرتب کرنے کی ہدایت۔ وزیراعلیٰ بلوچستان میر سرفراز بگٹی نے کہا کہ بینک آف بلوچستان کے قیام سے عوام، تاجروں اور سرمایہ کاروں کو معیاری بنکنگ سہولیات ملیں گی۔ بینک آف بلوچستان کے ذریعے صوبے میں معاشی سرگرمیوں کو فروغ ملے گا۔ صوبے کے نوجوانوں کو روزگار کے مواقع بھی فراہم ہوں گے۔ بینک آف بلوچستان صوبے کی معیشت میں تاریخی سنگِ میل ثابت ہوگا۔ بینک صوبائی وسائل کو بروئے کار لا کر ترقیاتی منصوبوں کی رفتار تیز کرے گا۔ اجلاس میں صوبائی وزیر خزانہ میر شعیب نوشیروانی، چیف سیکرٹری بلوچستان شکیل قادر خان ، پرنسپل سیکرٹری بابر خان سمیت دیگر متعلقہ حکام نے شرکت کی۔ بینکنگ سیکٹر کے ماہرین کی آن لائن شرکت، بینک آف بلوچستان کے قیام کا منصوبہ جلد فعال بنانے پر اتفاق۔
