ایکواڈور کی جیل میں ہنگامہ آرائی، 14 افراد ہلاک، متعدد قیدی فرار، کئی پولیس آفیسرز کو اغوا کرلیا گیا

کیوٹو (این این آئی) ایکواڈور کی جیل میں ہنگامہ آرائی سے 14 افراد ہلاک جبکہ درجنوں زخمی ہوگئے۔ خبر ایجنسی کے مطابق سیکورٹی فورسز کی قیدیوں سے جھڑپیں ہوئیں، متعدد پولیس افسروں کو اغوا کرلیا گیا، سیکڑوں قیدی مفرور ہوگئے، تصادم میں جیل کا ایک حصہ بھی گر گیا۔میڈیا رپورٹ میں مزید بتایا گیا ہے کہ دارالحکومت کیٹو کی پولیس کا کہنا ہے کہ ہلاک ہونے والوں میں جیل کا ایک گارڈ بھی شامل ہے، ہنگامہ آرائی میں 14 افراد زخمی اور کچھ قیدی فرار ہو گئے تاہم فرار ہونے والے قیدیوں میں سے 13 کو دوبارہ گرفتار کر لیا گیا۔علاقائی پولیس چیف نے بتایا کہ قیدیوں نے جیل کا محافظ قتل کرنے کے علاوہ کئی پولیس افسران کو یرغمال بنا لیا، صورتحال قابو میں لانے کے لئے اضافی سیکورٹی فورسز طلب کر لی گئی۔