27ویں ترمیم سے 73 کا آئین دفن ہوگیا، 18 سال سے کم عمر نکاح پر پابندی قرآن و سنت کیخلاف ہے، حافظ حمد اللہ

ہنگو (ویب ڈیسک) جمعیت علماءاسلام (جے یو آئی) کے رہنما حافظ حمد اللّٰہ کا کہنا ہے کہ 27ویں آئینی ترمیم سے 73 کا آئین دفن ہوگیا، 18 سال سے کم عمر نکاح پر پابندی قرآن و سنت کیخلاف ہے۔ ہنگو میں میڈیا سے گفتگو کرتے ہوئے حافظ حمداللّٰہ نے کہا کہ دینی مدارس اور سودی نظام کے خاتمے کے قانون پر عمل درآمد نہ ہو سکا، گھریلو تشدد کے خلاف جو قانون پاس ہوا وہ بھی قرآن و سنت کے خلاف ہے۔ حافظ حمداللّٰہ نے کہا کہ قومی ایئر لائن کی نجکاری سے بڑی معاشی ناکامی اور کیا ہے، پاکستان بھی 80 ارب ڈالر کا مقروض ہے کیا اس کو بھی پرائیویٹ کروگے؟