موسٰی خیل،مسلح تصادم میں ایک شخص جاں بحق 2افراد زخمی

موسیٰ خیل:بلوچستان کے ضلع موسیٰ خیل میں ،مویشی فصل میں چھوڑنے پر تصادم ، ملزم کی فائرنگ سے ایک شخص جاں بحق جبکہ 2زخمی ہوگئے ہیں ۔ اطلاعات کے مطاق موسیٰ خیل کے علاقے تحصیل توئی سر کلی عدن زئی میں جانان نامی شخص اپنے مال مویشی کو گھر لے جارہاتھاکہ اس دوران مال مویشی ملک عالم خان نامی شخص کے فصل میں چلے گئے جس پر اختر ولد ملک عالم خان ، شان محمد ولد خالو خان اور بہاول خان ولد ملک عالم خان کے ساتھ ان کا جھگڑا ہوا اس دوران ملزم جانان نے فائرنگ کرکے بہاول خان موقع پر جاں بحق جبکہ اختر ولد ملک عالم خان ، شان محمد ولد خالو خان زخمی ہوگئے جنہیں فوری طور پر سول ہسپتال موسیٰ خیل منتقل کردیا گیا جہاں نعش کو ضابطے کی کارروائی کے بعد ورثاء کے حوالے کردیا گیا جبکہ زخمیوں کو طبی امداد دی جارہی ہے ۔