بلوچستان، 9طالبعلموں سمیت کورونا کے 22نئے مریض

کوئٹہ:بلوچستان میں کورونا وائرس کے نئے کیسز میں کمی کا رحجان برقرار چوبیس گھنٹوں کے دوران نو طالب علموں سمیت کورونا کے22نئے مریض سامنے آگئے جبکہ کورونا کے شکار24مریض صحت یاب ہوگئے صوبے میں ایکٹو کیسز کی تعداد صرف 215رہ گئی۔محکمہ صحت بلوچستان کے جاری رپورٹ کے مطابق بدھ کے روزصوبے میں 1072افراد کے کورونا ٹیسٹ کئے گئے ان ٹیسٹ کے نتیجے میں صوبے کے 4اضلاع سے21نئے کیسز سامنے آگئے جس کے بعد صوبے میں ابتک کورونا وائرس سے متاثر ہونے والوں کی مجموعی تعداد 15 ہزار738ہوگئی۔ رپورٹ کے مطابق چوبیس گھنٹوں کے دوران کورونا میں مبتلا 24مریضوں کے صحت یاب ہونے کے بعدصوبے میں صحت یاب ہونے والوں کی تعداد 15ہزار375ہوگئی صوبے میں کورونا کے ایکٹو مریضوں کی تعداد215رہ گئی ہے جبکہ 733افراد کے کورونا ٹیسٹ کے نتائج آنا ابھی باقی ہیں محکمہ صحت کے مطابق صوبے میں کوروناوائرس کے باعث انتقال کرجانے والے افراد کی تعداد148ہے محکمہ صحت کی رپورٹ کے مطابق صوبے کے تعلیمی اداروں میں اب تک 10735افراد کے کورونا ٹیسٹ کئے گئے ہیں جن میں سے 669افراد میں کورونا وائرس کی تصدیق ہوگئی ہے۔