حکومت نے محمود اچکزئی کو اپوزیشن لیڈر کیلئے ناقابل قبول قرار دیتے ہوئے نیا نام مانگ لیا، پارلیمانی ذرائع

اسلام آباد(آن لائن)قومی اسمبلی میں اپوزیشن لیڈر کے تقرر کا معاملہ مزید تاخیر کا شکارہوگیا اور پارلیمانی ذرائع کے مطابق حکومت نے محمود اچکزئی کو اپوزیشن لیڈر کیلئے ناقابل قبول قرار دے دیاہے۔ ذرائع کے مطابق حکومت نے محمود اچکزئی کے تقرر سے متعلق پی ٹی آئی خط کا زبانی جواب دیدیا، حکومت نے قومی اسمبلی میں اپوزیشن لیڈر کیلئے پی ٹی آئی سے دوبارہ نیا نام مانگ لیا۔ذرائع کے مطابق حکومت نے اپوزیشن لیڈر سینیٹ کیلئے نامزد راجا ناصر عباس کے نام پربھی تحفظات کا اظہارکیا ہے اورحکومت علامہ ناصر عباس کی جگہ بھی قائد حزب اختلاف سینیٹ کیلئے بھی نیا نام چاہتی ہے۔