حکومت بلوچستان نے ہڑتا میں حصہ لینے پر خواتین 38 اسسٹنٹ پروفیسر و لیکچرز کو تین ماہ کیلئے معطل کردیا، اعلامیہ

کوئٹہ(این این آئی) بلوچستان حکومت کا سرکاری ملازمین کے خلاف ایکشن میں جاری ،ہڑتال اور احتجاج میں حصہ لینے پر چھ خواتین سمیت محکمہ کالجز کے 38 اسٹنٹ پروفیسر ولیکچرزکو تین ماہ کیلئے معطل کردیا۔چیف سیکرٹری بلوچستان کے جاری کردہ نوٹی فیکشن کے مطابق ملازمین کی ہڑتال میں شرکت ، دفاتر کی تالہ بندی کرنے پر بیڈا ایکٹ کے تحت محکمہ کالجز کے 38اسسٹنٹ پروفیسر ز اور لیکچرز کو تین ماہ کیلئے معطل کیا گیا ہے معطل ہونے والوں میں چھ خواتین اسسٹنٹ پروفیسرز اور لیکچرز شامل ہیں معطل کئے جانے والوں میں ملازمین کے اتحاد بلوچستان گرینڈ الائنس کےچیرمین عبدالقدوس کاکڑ بھی شامل ہیں بلوچستان میں ملازمین کااتحاد بلوچستا ن گرینڈ الائنس اپنے مطالبات کے حق میں احتجاج پر ہے۔