چین نے لائیو اسٹریمنگ مارکیٹنگ کے لئے رہنما اصول جاری کردئے
بیجنگ (شِنہوا)چینی حکام نے ملک کی ترقی کی جانب رواں دواں لائیو اسٹریمنگ مارکیٹنگ کی صنعت کو منظم کرنے کے لئے آزمائشی بنیاد پر رہنما اصول متعارف کرائے ہیں۔سائبراسپیس کے انتظامی ادارے(سی اے سی)نے چھ دیگر اداروں کے ساتھ مشترکہ طور پر رہنما اصول جاری کئے ہیں جن کا مقصد صارفین اور نابالغ افراد کے حقوق اور مفادات کا تحفظ کرنا اور جعلی تشہیر اور جعلی اور غیر معیاری سامان کی فروخت سمیت دیگر خطرات سے بچنا ہے۔رہنما اصول کے تحت لائیو اسٹریمنگ آپریٹرز اور فروخت کنندگان کے لئے کم سے کم 16 سال کا ہونا لازمی ہے جبکہ 16 سال سے اوپر کے نابالغ افراد کے لئے اس صنعت میں شامل ہونے کے لئے کسی سرپرست کی رضامندی ضروری ہوگی۔لائیو اسٹریمنگ پلیٹ فارمز کے لئے ضروری ہوگا کہ وہ صارفین کی شکایات کو بروقت حل کریں اور کسی تنازعہ کی صورت میں انہیں ضروری ثبوت فراہم کرنا ہوں گے۔یہ گائیڈ لائن 25 مئی سے نافذ ہوں گی۔
