ملک کو تباہی اور بربادی کے سوا حکومت نے کچھ نہیں دیا، سردار یعقوب ناصر

ملک کو تباہی اور بربادی کے سوا حکومت نے کچھ نہیں دیا، سردار یعقوب ناصر
دکی؛ ناصر ہاؤس میں پی ڈی ایم کے رہنما و مسلم لیگ (ن)کے مرکزی سینئر نا ئب صدر سابق وفاقی وزیر ریلوے سردار محمد یعقوب خان ناصر سے مسلم لیگ ن کے سابق ضلعی صدر حاجی مومن خان ناصر کی قیادت میں لورالائی میختر کے وفدنے ملاقات کی اور عیدمبارکباددینے کے موقع پرسرداریعقوب خان ناصر نے خطاب کرتے ہوئے کہا کہ مستقبل مسلم لیگ ن کا ہے موجودہ حکومت کا وقت ختم ہونیوالا ہے موجود حکومت صرف اور صرف انتقامی کارروائیوں پر اترائی ہے ملک کو تباہی و بربادی کے سوا عمران خان نے اور کچھ بھی نہیں کیا۔انہوں نے کہا کہ میاں نواز شریف میاں شہباز شریف اور مریم نواز شریف ایک پیج پر ہیں انہیں کوئی اختلاف نہیں، پی ایم ایل (ن)ملک کی سب سے بڑی جماعت ہے پی ڈی ایم کا آخری وقت تک ساتھ دیتے رہیں گے۔ انہوں نے کہا کہ حکومت ہر محاز پر ناکام ہو چکی ہے ملک کی معاشی اور سفارتی پالیسیا ں بھی ناکام ہو چکی ہیں تمام ہمسائیہ ممالک ہم سے ناراض ہیں انہوں نے کہا کہ سعودی عرب سے ہمارے بہت اچھے برا درانہ تعلقات ہیں لیکن اس حکومت نے اسکو نقسان پہنایا ہمیں ان سے فطرانہ و خیرات کی کوئی ضرورت نہیں تھی ہمیں سرمایہ کاری انکے کے ساتھ کرنہ ہوگی ملک کو خیرات اور چندے پر چلانے والوں نے ایٹمی ملک کی حیثیت کو بھی دھچکا لگا یا۔انہوں نے کہا کہ الیکشن جلد اور اسی سال ہونگے عوام نے تبدیلی کا فیصلہ کرلیا ہے میاں شہباز شریف کو عدلیہ نے باہر جانے کی اجازت دی لیکن بغض نواز شریف میں حکومت نے میاں شہباز شریف کو جانے سے روکھ دیا حکومت اداروں کے ساتھ ٹکراو کی پالیسی پر گامزن ہیں انہوں نے کہا کہ عوام عمران خان کی پالیسیوں سے تنگ ہیں انہوں نے کہا کہ اصل تبدیلی پی ایم ایل ن ہی لائیگی ملک میں فوری عام الیکشن کا اعلان کیا جائے تو حکومت کو پتہ لگ جائیگا کہ عوام کس کے ساتھ ہیں۔ملک میں ضمنی الیکشن میں عوام نے پی ایم ایل ن کو کامیاب بنایا عوام نے میاں نواز شریف کے نظریئے کو ووٹ دیا انہوں نے کہا کہ حکومت کی پشت پناہی کرانے والے اب ضمنی الیکشن کے بعد حکومت کی حمایت ترک کریں اور ملک میں ائین قانون اور جمہوریت کے ساتھ کھڑے ہونے کا فیصلہ کریں انہوں نے کہا 2018 کے الیکشن میں ملک کے عوام کے ووٹوں کو اہمیت دینے کے بجائے ڈائریکٹ سلیکشن سے ملک کی سلامتی کو نقصان پہنچا ہم نے تہتر سالوں کے تلخ حقائق سے ابھی تک کچھ نہیں سیکھا۔