ضیاء لانگو نے مجھے مخاطب کرتے ہوئے پوچھا آپ کیوں لاپتہ نہیں ہوتیں؟ ڈاکٹر ماہ رنگ

کوئٹہ (انتخاب نیوز) بلوچ یکجہتی کمیٹی کی رہنما ڈاکٹر ماہ رنگ نے سماجی رابطے کی ویب سائٹ ٹوئٹر اسپیس میں آج کراچی میں بلوچوں کی گرفتاری کیخلاف منعقدہ ٹو ئٹر اسپیس میں کہا کہ ہم کوئٹہ ریڈ زون میں بلوچ خواتین کی بازیابی کیلئے احتجاج کررہے تھے تو حکومتی مذاکراتی وفد میں بلوچستان کے مشیر داخلہ میر ضیاء لانگو شریک تھے۔ انہوں نے کہا کہ ریاست صرف انہی لوگوں کو لاپتہ کرتی ہے جس سے اس کو خطرہ ہے۔ انہوں نے مجھے مخاطب کرتے ہوئے کہا کہ آپ کیوں ابھی تک اغوا اور لاپتہ نہیں ہوئیں۔ انہوں نے اظہار خیال کرتے ہوئے کہا کہ میں اس لیے ابھی تک محفوظ ہوں کیونکہ میری ابھی تک باری نہیں آئی۔ انہوں نے کہا کہ آج بلوچستان میں بلوچ بڑی تعداد میں اس لیے بھی احتجاج کررہے ہیں کہ پہلے عام لوگوں کو ایسا لگتا تھا کہ بلوچستان کیلئے آواز اٹھانے والے لوگوں کو ریاست لاپتہ کرتی ہے مگر اب کوئی شخص بھی محفوظ نہیں ہے، جس کی مثال حالیہ دنوں میں حبیبہ بلوچ اور نور جہان بلوچ کیلئے بڑی تعداد میں مختلف شہروں میں احتجاج اور دھرنا ہے۔

اپنا تبصرہ بھیجیں